ਸ਼ਿਕਾਗੋ ’ਚ ਡਿੱਗੀ ਪਾਰਟੀ ਦੀ ਧੂਮ, ਵੱਡੀ ਗਿਣਤੀ ’ਚ ਜੁੜਿਆ ਪੰਜਾਬੀ ਭਾਈਚਾਰਾ

5Rivers Entertainment ਵੱਲੋਂ ਅੱਜ ਹੈਂਪਸ਼ਾਇਰ (ਇਲੀਨੋਇਸ) ਵਿਖੇ ਇੱਕ ਵਿਸ਼ਾਲ 'ਡਿੱਗੀ ਪਾਰਟੀ' ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਪੰਜਾਬੀ ਭਾਈਚਾਰੇ ਨੇ ਵੱਡੀ ਗਿਣਤੀ ਵਿੱਚ ਸ਼ਿਰਕਤ ਕੀਤੀ। ਸ਼ਾਮ 6 ਵਜੇ ਸ਼ੁਰੂ ਹੋਏ ਇਸ ਖੁੱਲ੍ਹੇ ਸਮਾਗਮ ਵਿੱਚ ਪੰਜਾਬੀ ਸੱਭਿਆਚਾਰ ਦੇ ਰੰਗ ਬਾਖੂਬੀ ਵੇਖਣ ਨੂੰ ਮਿਲੇ। ਡੁੱਬਦੇ ਸੂਰਜ ਦੀ ਸੁਨਹਿਰੀ ਰੌਸ਼ਨੀ ਹੇਠ ਲੋਕਾਂ ਨੇ ਗੀਤ-ਸੰਗੀਤ, ਭੰਗੜੇ ਅਤੇ ਲਜ਼ੀਜ਼ ਪਕਵਾਨਾਂ ਦਾ ਖੂਬ ਆਨੰਦ ਮਾਣਿਆ। "ਰੌਸ਼ਨੀ ਜਗਰਾਵਾਂ ਦੀ ਸ਼ਿਕਾਗੋ ਵਿੱਚ" ਦੇ ਨਾਅਰੇ ਹੇਠ ਕਰਵਾਏ ਗਏ ਇਸ ਈਵੈਂਟ ਵਿੱਚ ਨੌਜਵਾਨਾਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਾਰਿਆਂ ਨੇ ਰਲ਼-ਮਿਲ਼ ਕੇ ਖੁਸ਼ੀਆਂ ਸਾਂਝੀਆਂ ਕੀਤੀਆਂ ਅਤੇ ਭਾਈਚਾਰਕ ਸਾਂਝ ਦਾ ਨਿੱਘ ਮਾਣਿਆ।