ਕੋਹਾਟ ਬਲਾਸਟ ਦਾ ਖੌਫ਼ਨਾਕ ਸੱਚ, 21 ਮੌਤਾਂ ਲਈ ਵਰਤਿਆ ਗਿਆ ਸੀ 869 ਕਿਲੋ ਭਾਰੀ ਵਿਸਫੋਟਕ; ਪਾਕਿਸਤਾਨ 'ਚ ਮਚੀ ਤਰਥੱਲੀ

ਪਿਛਲੇ ਹਫ਼ਤੇ ਪਾਕਿਸਤਾਨ ਦੇ ਕੋਹਾਟ ਜ਼ਿਲ੍ਹੇ 'ਚ ਹੋਏ ਆਤਮਘਾਤੀ ਧਮਾਕੇ 'ਚ 870 ਕਿਲੋ ਵਿਸਫੋਟਕ ਦੀ ਵਰਤੋਂ ਕੀਤੀ ਗਈ ਸੀ। ਇਸ ਧਮਾਕੇ 'ਚ 16 ਪੁਲਿਸ ਕਰਮਚਾਰੀਆਂ ਸਮੇਤ 21 ਲੋਕਾਂ ਦੀ ਮੌਤ ਹੋ ਗਈ ਸੀ। ਕੱਟੜਪੰਥੀਆਂ ਨੇ 18 ਸਤੰਬਰ ਨੂੰ ਜੁਮੇ ਦੀ ਨਮਾਜ਼ ਦੌਰਾਨ ਖੈਬਰ ਪਖ਼ਤੂਨਖ਼ਵਾ ਸੂਬੇ ਦੇ ਕੋਹਾਟ 'ਚ ਇੱਕ ਮਸਜਿਦ ਨੇੜੇ ਵਿਸਫੋਟਕਾਂ ਨਾਲ ਲੱਦੀ ਗੱਡੀ 'ਚ ਧਮਾਕਾ ਕੀਤਾ ਅਤੇ ਨੇੜਲੇ ਪੁਲਿਸ ਟਿਕਾਣਿਆਂ 'ਤੇ ਹਮਲਾ ਕੀਤਾ।

ਰਿਪੋਰਟ ਮੁਤਾਬਕ ਧਮਾਕੇ 'ਚ 869 ਕਿਲੋ ਵਿਸਫੋਟਕ ਸਮੱਗਰੀ ਦੀ ਵਰਤੋਂ ਕੀਤੀ ਗਈ ਸੀ, ਜਿਸ ਕਾਰਨ ਲਗਭਗ 6.6 ਫੁੱਟ ਗੁਣਾ 11 ਫੁੱਟ ਚੌੜਾ ਅਤੇ 4.6 ਫੁੱਟ ਡੂੰਘਾ ਖੱਡਾ ਬਣ ਗਿਆ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਹਮਲੇ 'ਚ ਬਹੁਤ ਸ਼ਕਤੀਸ਼ਾਲੀ ਵਿਸਫੋਟਕ ਸਮੱਗਰੀ ਦੀ ਵਰਤੋਂ ਕੀਤੀ ਗਈ ਸੀ ਅਤੇ ਧਮਾਕੇ 'ਚ ਵਰਤੀ ਗਈ ਗੱਡੀ ਦੀ ਵੀ ਪਛਾਣ ਕਰ ਲਈ ਗਈ ਹੈ।